gero arte Tito!

Debekuen gainetik Tito Arregi preso politiko ohia omendu zuten Bilbon pasa den larunbatean

Ertzaintzak Solokoetxe inguruak okupatuak zituenez Bilboko alde zaharreko Zazpi Kaleetan bildu ziren 180 lagun eta bertan orain gutxi hiladako euskal militantea gogora ekarri zuten. Ondoren bazkaria egin zuten.

Bernardo Arregi Tejedor "Tito"ri lagunarteko omenaldi adeitsua eskaini diote gaur goizean Bilboko Zazpi Kaleetan bildutako 180 pertsonek, tartean Bilboko lagunak eta preso ohi askok.

Hasiera batean Solokoetxen zen egiteko, baina ekitaldia eta horren inguruko poteoa eta bazkaria egitea debekatuta zegoela jakinarazi zuen Auzitegiak atzo. 13:ooetan Ertzaintza agertu da Solokoetxen eta azkenean omenaldia eta bazkaria beste lekuetan egitea erabaki da.

Omenaldian lagunek eta preso ohiek Titoren izaera eta bizipenak glosatu dituzte, Gero Portugaleko Euskal Herriarekiko Elkartasun Elkartearen gutuna irakurri da. Ekitaldia amaitu ondoren antolatutako bazkarira joan dira bertan bildutakoak.