Maiatzak 4-7: Nazioarteko preso politikoei buruzko jardunaldiak

Datorren maiatzaren 4tik 7ra bitartean, ekimen eta jarduera anitzez osatutako nazioarteko gatazka eta errepresaliatu politikoei buruzko jardunaldiak ospatuko dira Bizkaiko kanpus eta fakultateetan. Aldarrikapen aste honi bukaera emateko, maiatzaren 7an, osteguna, goizean zehar mahai-ingurua, manifestazioa eta ekitaldia burutuko ditugu Leioako kanpusean, ondoren bazkari multietnikoa eta kontzertuak izango ditugularik Bilboko Zazpi Kaleetan. Webgune honetan, aste osoan zehar izango diren jardueren informazioa eta egitarau osoa topatuko duzue

Ekialde hurbilari buruzko jardunaldiak

Askapenak lau hitzaldi antolatu ditu Bilbon Ekialde Hurbileko borroka eta herrien berri emateko helburuarekin. Hitzaldi guztiak Errondabide Kultur elkartean izango dira -Erronda 20, Alde Zaharra. Egitaraua barruan.

Hitzaldiak:

Martxoaren 12an, 19:30etan, Carlo Frabetti izango dugu gure artean. Ekialde Hurbilaren berezitasunetaz, honek duen garrantziaz, inperialisten interesetaz eta bertan garatu den erresitentziaz hitz egiteko aukera izango dugu. Aldi berean, Hego Amerikan aurrera daramaten iraultza bolivariarrarekin dauden paralelismoetaz mintzatuko da.

Martxoaren 17an, 19:30etan, Txente Rekondorekin dugu zita. Azken garaian purian dagoen islamismo politikoa, "fundamentalismoa" izango dugu aztergai: Hamas eta Hizbula bezalako erakundeen gorakada, Iraneko errepublika islamikoaren 30garren urteurrena... Medioek guztiz desitxuratu duten fenomenoa.

Martxoaren 25ean, 19:30etan Aurora Lago izango dugu hizlari. Kurdistango herriaren errealitatera hurbilduko gara, lau estatu ezberdinetan banatutako herriaren gaurkotasunera. Nazio kurduaren bilakaera, zapalkuntza kapitalistaren ondorioak eta alternatibak eta emakume kurduen borroka izango ditugu aztergai.

Apirilaren 2an, 19:30etan, Igor Urrutikoetxearekin emango diogu bukaera jardunaldiei. Igorrekin Palestinaren gaurkotasunaz berba egingo dugu: Gazako erasoaren ondorio zuzenetaz eta gaurko egoeran ezkerreko mugimendu palestinarrek betetzen duten paperaz. Honekin batera, euskaldunok zapalkutza sionistaren aurrean landu beharreko boikot jarreraz mintzatuko gara.

2009ko BRIGADAK MARTXAN!

WWW.ASKAPENA.ORG

Kolonbiako "positibo faltsuak" Estatu krimenak dira

Alvaro Uribe Velezen presidentearen bi gobernuen pean, eurek emaniko uniforme eta armetan babesturik, Indar Publikoko kideek ehunka zibil hil dituzte, ondoren, hildako horiek borrokan hildako lagunak bailiran aurkezteko.. Hilketa horiek, arrakasta militarrak agertu eta onura ezberdinak jasotzea izan dute helburu.

Exekuzio horiek, behartutako desagerpenen aurrekariak dituztenak, ohikoak dira eta gizateriaren aurkako krimentzat hartu beharko lirateke. Ikaragarri larria da pertsonen bizitza eta herritarren segurtasunagatik arduratu behar luketen horiek izatea giza eskubideak sistematikoki urratzeaz arduratzen diren lagunak, eta ekinbide kriminal horiek Kolonbiaren gobernuko Segurtasun Demokratikorako izeneko politikek bultzatzea.

"Positibo faltsuak" bezala ezagutzen ditugun krimen hauek ezin dira pertsona isolatuek egiten dituzten delitutzat hartu, kasu bakanduak edo indar militarren barneko ustelkeriaren sintoma hutsak bailiran. Horrelako jokaerak herrialdeko departamendu askotan errepikatu dira, era etengabean, ofizial, azpi-ofizial eta Estatuko Armadaren soldadu arrunten parte hartzearekin. Kolonbiako Defentsa Ministerioak 2005eko azaroaren 17an atera zuen 029 zuzentarauak legetik at talde armatuetako kideak hil izana frogatzen duten soldaduei onurak eta mesedeak onartzen dizkie.

Indar Publikoko kideek egiten dituzten exekuzioak legeztatzea aspaldiko ekinbide kriminala da Kolonbian. 2008ko irailean, herrialde osora eman ziren ezagutaraztea "positibo faltsuak" direlakoak: egun horretan, desagertuta zeuden Soacha herriko 19 gazte, hilobi komun batean aurkitu zituzten Ocaña eta Santander Norte herrietan. Azken urteetan, giza eskubideen alde lan egiten duen Kolonbia-Europa-Ameriketa Estatu Batuak Koordinakundeak 1.400 kasu salatu ditu. Bere aldetik, Estatuko Fiskaltza Jeneralak, epaiketetatik kanpoko exekuzioak aztertzen hasi da: ikerketak Indar Publikoko 763 kideri eragiten die, eta, gutxienez, 1.137 biktimen existentzia aitortzen da.

Uribe presidenteari publikoki gertakarien larritasuna aitortzea egokitu zaio, eta 27 militarren kargugabetzea agindu zuen, horietako hiru, jeneralak. Hala ere, neurri horiek ez dira nahikoak. Defentsa Ministroak, Juan Manuel Santos, adierazi duenez, krimen horiek iraganeko gauza dira. Bien bitartean, hedabideetan egunero jasotzen dira exekuzio horiek bere horretan jarraitzen dutela frogatzen duten salaketak.

2009ko martxoaren 6an, Estatu Krimenen Biktimen Mugimenduak -EKBM- exekuzio estrajudizial hauen aurkako jardunaldira deitzen du. Ekimen honek egiaren, justiziaren eta arazoaren konponketarako estrategiak diseinatzen lagundu behar luke, inoiz gehiago gertatu ez daitezen gizateriaren aurkako krimen hauek.

Biktima kopuruak ez duelako etenik!

EXEKUZIO ESTRAJUDIZIALEN AURKAKO BILKURAN PARTE HARTZEKO DEIA LUZATU NAHI DIZUGU

DATORREN MARTXOAREN 6AN, 19:30ETAN

BILBOKO ARRIAGA ANTZOKIA

NOARI EZ! ISRAELI BOIKOTA!

1. Askapenak eta Donostialdeko beste alderdi politiko, sindikatu, elkarte eta herri mugimendu ASKOK Israeli Boikot egiteko deia luzatzen diegu Donostiako herritarrei.

2. Deialdi honekin, Palestinatik datorren elkartasun deiari erantzuten diogu: Palestinako 200 elkarte zibilek Israelgo estatuari eta bere adierazpen ekonomiko, politiko, kultural eta deportiboei boikota egiteko deia egin dute. Zergatik?

3. Palestinarrek konprobatu dutelako, urteak joan ahala, beren egoera okerragoa eta okerragoa dela: gero eta lur gutxiago, errefuxiatu gehiago, kolonia sionista gehiago, apartheid harresiaren eraikuntza... Beraiek ulertzen dute boikot eta desinbertsio kanpaina handi bat behar dela, zergatik?

4. Sudafrikako estatuak beltzen kontrako apartheid politika aplikatzen zuenean, mundu mailako boikot eta desinbertsio kanpaina hark lagundu zuelako Sudafrikako estatuak bakea eta justizia negoziatzera behartzen, beltzen eskubide zibil eta politikoak onartzen.

5. Garai hartan Sudafrikako ekonomiarako desibertsioak bultzatu ziren hainbat enpresa eta estatuen aldetik, kirol mailan sudafrikako errugby selekzioa mundu osoan betatua zegoen, eta kultur edo musika mailako boikotak ere garrantzi izugarri hartu zuen.

6. Horregatik Noari boikot egiteko deia luzatzen dugu, Noa kantari israeldarra da, Israel Eurovisionen ordezkatuko du, eta norbaitek duda egiten badu Noak sionismoa defendatzen duen edo ez, gure webean irakurri ahal du Noak palestinarrei idatzi dien <<gutuna, , Gazako azken sarraskiaren harira. Noarentzat Palestinarrek pairatzen duten genozidioaren errua palestinarrena da.

7. Donostiako udalak eta "Donostia kultura" patronatoak konpromisoa hartu beharko lukete sionismoarekin ez kolaboratzeko. Hori da Donostiako udaletik Palestinan bakea eta justizia etorri daitezen egin daitekeen ekimenik eraginkorrena.

MANIFESTAZIOA MILANON EUSKAL HERRIA, PALESTINA ETA KURDISTANEN ALDE

www.askapena.org

ISRAELI BOIKOTA! NOA EUSKAL HERRITIK KANPORA!

Noa abeslaria da Israelek sarraskiak zuritzeko nazioartean erabiltzen duen bitarteko ezagunenetakoa, estatu normalizatu baten itxura emanez. Otsailaren 26an Donostian Noaren kontzertua antolatzeko ausardia izan du Donostia Kulturak, sarraskiaren konplize bihurtuz. Zatoz EZ! esatera.

THE BASQUE COUNTRY DOES NOT WALK ALONE.

DEMOCRACY AND SELF-DETERMINATION!

To all those who are in solidarity with the Basque Country!

To all political and social organisations, to the popular revolutionary movements!

TO ALL THE FRIENDS OF THE BASQUE COUNTRY PLATFORMS THROUGHOUT THE WORLD!

ASKAPENA, Basque internationalist organisation, calls for action in the International Solidarity With the Basque Country Week which will take place from the 6^th to the 15^th February 2009.

INTERNAZIONALISMOA AURRERA!

URTARRILAK 31, LARUNBATA
17:00etan ARRIAGA PLAZATIK

Askapena urtarrilaren 31ko manifestaldirako atxikimendu ugari jasotzen ari da

Askapenak adierazi du azkenaldian elkartasun internazionalistak kriminalizazioa eta mehatxuak pairatzen ari dituela, bai nazioartetik Palestina, Mexiko Wall-Mapun, Bolivia, Ekuador edo Kolonbia bezalako herriekiko elkartasuna, baita nazioartetik Euskal Herriarekikoa ere. Horren aurreaz Askapenak internazionalismoaren balioa eta beharra aldarrikatzeko eta kriminalizzio estrategia hauei aurre egin asmoz manifestaldi nazionala antolatu du datorren urtarrilaren 31rako.

INTERNAZIONALISMOA AURRERA!

URTARRILAK 31, LARUNBATA

17:30etan ARRIAGA PLAZATIK

PALESTINAREN INGURUKO HITZALDIA

URTARRILAK 16, OSTIRALA
HITZALDIA 20:00etan
KUKUTZA GAZTETXEAN

PALESTINAREKIN ELKARTASUNA
GORA MUNDUKO HERRI ZAPALDUAK!

Israelek herri palestinarraren aurka burutzen ari den erasoaren aurrean

Ezker Abertzaleak gogorki salatu nahi du israeldar armadak Gazan burutzen ari den neurrigabeko erasoa. Ehunka pertsona hil eta zauritu dituzte dagoeneko bonbaketek, eta Israelek bultzaturiko blokeoaren ondorioz dagoeneko larria zen Gazako herritarren egoera muturrera eraman du. Aitzitik, bonbardaketaz gain israeleko armadak Gazaren inbasioarekin mehatxatzen du.

Elkarrizketa eta negoziazioaren aldeko hautua berresten dugu Palestinar eta Israeldarren arteko gatazkari konponbidea emateko, tresna egoki bakarra gatazka oro konpontzeko. Konponbidea herrien eta herritarren eskubideen errespetuan oinarritu behar da. Zentzu honetan, onartezina deritzogu Israeldar estatuaren garapena palestinarren lepotik izatea.

Salagarri deritzogu ere nazioarteko komunitateak, eta Europar Batasunak bereziki, azaltzen duen ixiltasun eta faltsukeria. Ez al dute bada Gazako gizon emakumeek naziortearen babesik merezi?

200 elkarte zibil palestinarrek Israelen erasoari aurre egiteko tresna gisa deituriko boikotarekin bat egiten dugu. Israelek palestinarren eskubideak errespetatzen ez dituen heinean, gure elkartasuna era praktikoan adierazteko tresna da boikota, Euskal Herria eta Israeldar estatuaren artean alor ekonomiko, politiko, kirol edota kulturalean ematen diren harremanak etenaz.

Israeldarren erasoa salatu eta Palestinar herriari elkartasuna adierazteko Euskal Herrian burutuko diren mobilizazio eta deialdi ezberdinetan parte-hartzeko deia luzatzen diegu herritarrei.

Azkenik, Palestinar herriari une latz hauetan gure elkartasunik beroena adierazi nahi diogu.

Ezker Abertzalea, 2008ko Abenduaren 29an

EMAKUMEAK: ERRESISTENTZIA eta ERREBELDIA

ABENDUAK 3, 10 eta 17 19:30etan LA BOLSAn

GAZTE INTERNAZIONALISTEN ASANBLADA ABENDUAREN 13AN ZAZPI KATUN

Abenduaren 13an Bilboko 7KATU gaztetxean, Kamaradak sareak Gazte Internazionalisten Asanblada antolatuko du.

Asanblada honek zentzu berezia hartuko du arrazoi ezberdinengatik, Kubatar Iraultzaren 50. urteurrena ospatzeko 7KATU gaztetxeak antolatu duen astearen baitan kokatua egongo da eta Kamaradak Sareak osatutako “Migrazioa eta aldaketa Euskal Herrian” liburuxkaren aurkezpena egiteko bideratuko dugu, Boikot dinamiketarako gida xumea aurkeztuko dugu, gure plangintzaren errepasoa egingo dugu…

Internazionalismoa gure buruetatik, gure eskuetara eramatea izango da egun honen helburuetako bat, praktika internazionalista bultzatzea, gure auzo edo herrietan aurrera eramateko dinamikak proposatuz, herrien zapaltzaileeak markatuz, elkartasuna praktikara eramanez!

Guzti hau Euskal Herriko Gazte Mugimendua osatzen dugun gazteak elkartatuta, internazionalismoa Gazte Mugimenduaren baitan hedatuz joateko, Euskal Herria ez delako inoiz libre izango zapalduen mundu batean, gure etorkizuna, munduko beste herrien etorkizunari loturik doalako… Gure herria saldu nahi duten horiek ez dute inolako lotsarik munduko beste herriak ere zapaltzeko, eta argi eta garbi utzi behar diegulako, Euskal Herria salduko ez duten moduan ez dituztela munduko herriak zapalduko!

Abenduaren 13an Bilbon batuko gara Euskal Herrian internazionalismoa nola ulertzen dugun argi utziz, ONGismotik urrun, karidadetik urrun… herrien arteko borrokarako esparru gisa, elkarrengandik ikasteko, elkarri laguntzeko, herri subirauen proiektuak indartu eta aberazteko!

Groenlandia aprueba la reforma de su estatuto de autonomía

Groenlandia ha aprobado la ampliación de su estatuto de autonomía, que reconoce su derecho de autodeterminación de Dinamarca y abre la vía a la independencia. El 75,54% de los groenlandeses apoyó la reforma.
El nuevo estatuto entrará en vigor el 1 de junio de 2009, coincidiendo con los 30 años de la autonomía groenlandesa, una de las dos que reconoce Dinamarca; la otra, las Islas Feroe, ya alcanzó un estatus similar en 2005.

HAUTESKUNDEAK VENEZUELAN

Chavez garaile udal eta eskualde hauteskundeetan

Venezuelan egin diren udal eta eskualde hauteskundeetan 22 estatutatik 17tan Hugo Chavezen aldeko gobernadoreak nagusitu dira. Hala ere, Caracas, Miranda, Zuila, Carabobo eta Tachira oposizioak bereganatu ditu.

Garaipen orokorra Hugo Chavezen alderdiarena izan den arren, oposizioak Venezuelako hiru estatu garrantzitsuenetan aginduko du: Carabobon, Zuilan eta Mirandan; gainera, Caracaseko alkatetza ere bereganatu du.

Partaidetza handia izan da, %65,45, azken urtetako portzentaje handiena izan da.

Estatuetako gobernadoreak eta udalak aukeratu dituzte Venezuelako biztanleek, baina Chavezen inguruko erreferendum gisa planteatu dira hauteskunde hauek.

Correa obtiene un triunfo abrumador en el referéndum constitucional

REFERÉNDUM EN ECUADOR
El presidente ecuatoriano, Rafael Correa, ha cosechado un triunfo abrumador en el referéndum celebrado en su país. El "sí" a la nueva Constitución, impulsada por el Gobierno, ha alcanzado el 65,2% de votos.

Con el 52,06% de los votos escrutados, el "no" a la Constitución, que promovió la oposición, alcanza el 27,02%, mientras que el voto nulo llega al 7,09% y el voto en blanco al 0,64%, según el Tribunal Supremo Electoral (TSE).

El Tribunal ha escrutado hasta el momento 3.897.199 votos, de los cuales 2.539.996 corresponden al "sí" y 1.051.643 al "no".

Correa le ha agradecido al pueblo ecuatoriano haber apoyado de forma abrumadora la nueva Constitución, victoria que se suma a las que obtuvo en las elecciones presidenciales de noviembre de 2006 y la del prebiscito para la Asamblea Constituyente, en abril de 2007.

BOLIVIAREKIN ELKARTASUNA

Bolibian Evo Moralesen aurka prestatzen ari den begi bistako kolpe faxista eta probokazioak gero eta handiagoak izanik, gure gaitzespena erakutsi behar diegu "yankee de mierdei" eta Evo eta Chavezi elkartasuna luzatu faxismoaren aurkako borrokan egiten duten guztiagatik, -bere herrialdeko CIAko agenteak bezala aritzen diren- "enbaxadoreak" kanporatzetik, defentsa armaturaino.

Bolibiako azken egunetako gertaerak, AEB eta tokian tokiko oligarken eta inperialismoaren estrategiaren adibide bat gehiago dira, herriaren egonkortasuna galerazteko eta guda zibil bat eragiteko, zeinak lurraldea zatitzea nahi duen Iparramerikaren esku uzteko. Faxistak eta inperialismoaren agenteek, heriotza eragin dute berriz ere herri baten barruan, herri batean, zeinak etorkizun baketsua eta justizia soziala nahi duen.

Euskal Herria beti izango da iraultza eta askapen prozesuetan borrokan ari diren herrien ondoan. Beste behin ere gure konpromiso internazionalista erakutsi nahi dugu, Cuba, Venezuela, Ekuador eta Bolibiarekin; beren inperialismoaren aurkako borroka eta jendarte sozialista eraikitzearen aldeko prozesua gureak dira.

Gora Herriak!!!

Euskal Herriarekiko elkartasun egun arrakastatsua izan da Milanen

Euskal Herriarekiko elkartasun egunak 200 bat pertsona bildu zituen Milanen larunbatean. Bertan, euskal nazioak pairatzen duen egoera politikoaren inguruko informazioa helarazi zen, baita euskara eta euskal kulturarena ere. Han egon den Askapena taldeko kide Naiara Bernalek GARAri azaldu zionez, «harrituta utzi gaitu jendeak Euskal Herriaren egoerari buruz dakien guztiak, elkartasun mugimendu ikaragarria sentitu ahal izan dugu bertan».

Larunbatean Milanen antolaturiko Euskal Herriarekiko elkartasun egunak arrakasta izan zuen. Bertako biztanleek euskara eta euskal kultura hobeto ezagutzeko aukera izan zuten eta, horrez gain, Euskal Herriko egoera politikoaren inguruan ere eztabaida antolatu zuten. Hara bidaiatu duen Askapena taldeko Naiara Bernal brigadistak GARAri azaldu zionez, «benetan ekimen garrantzitsu eta zabala izan da».

Bernal, Askapena taldeko beste hiru brigadistekin izan da Milanen egunotan, Euskal Herriaren Lagunak taldeak gonbidatuta. Ekimen ugari izan ziren egun osoan zehar; Euskal Herriaren egoerari buruzko informazio mahaia, bideo emanaldiak, eta euskal produktu tipi- koen taberna, patxarana, kalimotxoa eta pin-txoak dastatzeko aukera emanez.

Arratsaldeko lauretan Justuri Band euskal taldearen emanaldia izan zen, eta horren ostean aurreikusi gabeko manifestazioa antolatu zuten Milaneko kaleetan barna. «Bertan 200 bat bildu ginen eta manifestazio edo kalejira moduko bat egitea pentsatu genuen. Ez genuen pankartarik eraman, trikitixen soinuarekin batera Milaneko kaleetan ibili ginen Euska Herriaren askatasunaren aldeko oi- huak botatzen. Une batean carabinieri-ak aurrean jarri zitzaizkigun, baina azkenean ez zen arazorik izan», azaldu zuen.

Atxikipen anitz

Horren ostean, Euskal Herriaren egoera politikoaren gaineko mahai-ingurua izan zen 18.30ean, eta Nicola La Torre Askapeneko kidea, Angelo Miotto Peace Reporter-eko kazetaria eta Giovanni Giacopuzzi ikerlari eta historialariak izan ziren mintzalariak. Euskal ordezkariak oso pozik agertu ziren bertan ikusitakoarekin: «Mintzaldi anitz izan ziren, jendeak gaiaren inguruan hitz egiteko eta eztabaidatzeko gogoa zuela nabaria zen. Herrien arteko elkartasunerako eta lankidetzarako abiapuntua internazionalismoa izan behar dela argi geratu zen».

Gauean, Justuri Band eta Cuba Cabbal hip-hop musika taldeen emanaldia eskaini zen. Askapeneko kideak, ekimenak Italiako eta beste hainbat herritako ezkerreko talde eta alderdi politikoen atxikimendua jaso duela nabarmendu nahi izan zuen. «Azpimarragarria da atzerrian Euskal Herriaren alde gero eta mugimendu gehiago sortzen ari direla», ondorioztatu dute.

Chavezi erantzunez, Venezuelako enbaxadorea kanporatu dute AEBek

Evo Morales Boliviako presidentearekin bat eginez, AEBek Venezuelan zuten ordezkariari alde egiteko 72 orduko epea ematen ziola iragarri zuen atzo Venezuelako presidenteak. Washingtonen ordaina iritsi da orain.

Hitz bortitzak erabili zituen atzo Hugo Chavez Venezuelako presidentek Patrick Duddy AEBen Venezuelako enbaxadorea kanporatzeko erabakia hartu zuela adierazteko. 72 orduko epea eman zion Duddyri alde egiteko -gaur jakin da, enbaxadorea dagoeneko AEBetan dela, duela egun batzuk bisita batera joanda-. Halaber, Bernardo Alvarez Venezuelaren AEBetako enbaxadorearei itzultzeko agindu zion.

Baina Chavezi erantzunez, Alvarezek bere kabuz alde egin dezan itxaron gabe kanporatzea erabaki du AEBetako Gobernuak. Horrenbestez, Venezuelako enbaxadorea AEBetatik kanpo litzateke, "kanporatze aginduaren ondorioz", Sean McCormack Estatu idazkaritzako bozeramaileak agertu duenez.

Enbaxadoreen inguruko afera AEBen eta Boliviaren artean lehertu zen aurrena, eta Boliviako presidente Evo Moralesi elkartasuna adierazteko erabaki zuen atzo Chavezek erabaki bera hartzea.