HAUTESKUNDEAK VENEZUELAN

Chavez garaile udal eta eskualde hauteskundeetan

Venezuelan egin diren udal eta eskualde hauteskundeetan 22 estatutatik 17tan Hugo Chavezen aldeko gobernadoreak nagusitu dira. Hala ere, Caracas, Miranda, Zuila, Carabobo eta Tachira oposizioak bereganatu ditu.

Garaipen orokorra Hugo Chavezen alderdiarena izan den arren, oposizioak Venezuelako hiru estatu garrantzitsuenetan aginduko du: Carabobon, Zuilan eta Mirandan; gainera, Caracaseko alkatetza ere bereganatu du.

Partaidetza handia izan da, %65,45, azken urtetako portzentaje handiena izan da.

Estatuetako gobernadoreak eta udalak aukeratu dituzte Venezuelako biztanleek, baina Chavezen inguruko erreferendum gisa planteatu dira hauteskunde hauek.