Asteburuan Bilbon genero indarkeriagatik lau atxilotu

Atxiloketa guztiak haien bikotekideak edo bikotekide ohiak erasotzeagatik eman ziren Santutxun, Zazpi Kaleetan eta San Frantziskon.

Udalak jakinarazi duenez, lehenbiziko atxiloketa ostiralean gertatu zen iluntzeko 23.00ak inguru Santutxu kalean. Dirudienez, gizonezkoak 49 urteko bere bikotekidea jo eta behatz batean zauri bat eragin zion.

Bestalde, larunbatean, Ertzaintzak 21 urteko gazte bat atxilotu zuen Cantalojas kalean, eztabaida bat izan ostean neskalagunari eraso ziolakoan.

Beste bi atxiloketak atzo gertatu ziren Belostikale eta Fika kaleetan. Lehenbizikoan gizonezko batek bikotekidea joko zuela mehatxu egin zion. Bestea, gaueko 23.00ean gertatu zen. Gizonezko batek emakumea bultzatu eta mahai baten aurka jo ostean buruan kolpea jaso zuen.

ERASO SEXISTARIK EZ!